Буюк ва муқаддассан-Мустақил Ватан
Таълим ва тараққиёт
Куни кеча мамлакатимиз мустақиллигининг 21 йиллигини нишонладик. Ушбу байрам муносабати билан жойларда учрашувлар ташкил қилинди ва байрам шукуҳи эса ҳанузгача давом этмоқда. Мустақиллик йилларида таълим тизимига алоҳида эътибор қаратилмоқда. Айниқса ахборот технологиялари шиддат билан ривожланаётган бир пайтда уни таълим тизимига янада мукаммал жорий этиш муҳим масалалардан бири ҳисобланади. Шу муносабат билан Халқ таълими вазирлиги тадбирлар режасига мувофиқ Т.Н.Қори Ниёзий номидаги Ўзбекистон Педагогика фанлари илмий тадқиқот институтида “ Буюк ва муқаддассан-Мустақил Ватан” шиори остида «ZiyoNET” жамот ахборот таълим тармоғини ривожлантириш ва унда самарали фойдаланишни ташкил этиш” мавзуида амалий семинар-тренинг ташкил қилинди.