Жисмоний тарбия гигиенаси
Таълим ва тараққиёт
Гигиеник омиллар деганда инсонларнинг ўзини турли ифлосликлар, кир, чанг-тўзонлардан сакланишдаги асосий тадбирлар тушунилади. Турли меҳнат, жисмоний ҳаракатлар, спорт машғулотлари, иссиқлик ва бошқа сабабларга кўра одамлар терлайди. Бунда тер орқали турли кераксиз моддалар ташқарига чиқади ва ташқи томондан эса кўринмас микроблар, чанг ва турли зарарли моддалар терига ёпишади. Уларни ўз вақтида ювиб-тозалаб турмаса ёқимсиз ҳидлар, қатлам кир-чанглар юзага келиб, баъзи касалликларнинг вужудга келишига сабаб ҳам бўлиши мумкин. Шу туфайли одамлар ҳар куни эрталаб тиш, оғиз бушлиги, қўл, юз, бўйинларни ювиб туриши, ваннада чўмилиб олишларига тўғри келади. Шу билан бир қаторда, ўтириш, ётиш, ухлаш жойларини тоза тутиш, кийимларнинг ифлос бўлишига йўл кўймаслик керак.