Ўзбек халқи қадимдан болажон ҳисобланади.
Мустаҳкам оила - юрт таянчи
Ҳар бир оилада фарзанд туғилиши катта қувонч ва умид билан кутиб олинади. Бола ақлли, ҳушли, ота-онасига меҳрибон бўлиб ўсишига дуо- ю, фотиҳалар ўқилиб, зиёфатлар берилади. Бундай тадбирларни ўтказиш азалдан анъанага айланган ва ҳар бир оилада унинг турмуш даражасидан катъи назар, ўтказилади. Ота-она учун фарзандларининг тарбияси, ахлоқ-одоби билан мукаммал шуғулланиш вазифаси ҳам қарз, ҳам фарз бўлган. Чунки инсондаги одамийлик фазилатларини билдирадиган, уни бошқа мавжудотлардан фарқ қиладиган нарса унинг тарбияси, хулқ-атвори бўлади.