Техник олий ўқув юрти талабаларида касбий маданиятни шакллантириш
Таълим ва тараққиёт
Техник олий ўқув юртларида касбий маданиятга эга бўлган мутахассисларни тайёрлаш жамият истиқболини юксалтиришнинг негизи ҳисобланади. Шунинг учун ҳам талабаларда касбий маданиятни шакллантириш жамиятнинг, миллатнинг ички ҳаёти, руҳий кечинмалари, ақлий қобилияти, идрокини мужассамлаштирувчи қудратли куч, инсон ва жамият ривожланишининг негизи сифатида Ўзбекистонда амалга оширилаётган ислоҳатларнинг бош омили ҳисобланади. Касбий маданиятли мутахассисларни тайёрлаш иқтисодий-ижтимоий ҳаёт тизимининг шаклланиши, ўзгариши ёки инқирозга юз тутишига кучли таъсир кўрсатади. Унинг ривожланиб бориши натижасида жамият равнақ топа боради. Усиз буюк давлат қуриб бўлмайди. Чунки, касбий маданиятга эга бўлган мутахассислар жамият ва миллат равнақининг бой пойдевори саналади.